මේ දවස්වල මගේ ජීවිතය

මොන ප්‍රශ්ණය ආවත් බ්ලොග් ලිවිල්ල අත අරින්නේ නෑ කියල පටන් ගත්තත් සමහර ප්‍රශ්ණ නිසා තාවකාලිකව පසුගිය දිනවල බ්ලොග් සහ සියලුම අන්තර්ජාල වැඩ වලින් මඳකට ඈත් වෙන්න සිදුවීම ගැන මුලින්ම මගේ කණගාටුව. ඉඩක් ලැබුන ගමන්ම හෝර්ටන් තැන්නේ කතාවේ ඉතුරු ටිකත් තව රසත් කතා ටිකකුත් අරගෙන එන්න බලාපොරොත්තු වෙනවා.ඔන්න දැන් හැමෝම හිතයි මෙච්චර කල් මොන
ලෝකේ ගිහින්ද හිටියේ කියලා.


කමෙන්ට් වලින් අහන්න කලින්ම මමම ඒකට උත්තරයක් දෙන්නම්.

මගේ ආදරණීය මැසිම ආයෙත් කූරියා ගහන්න පටන්ගෙන.පවර් ඔන් කරන බොත්තම වැඩ නෑ. දැන් ඔන් කරන්නේ රීස්ටාර්ට් එකෙන්. මොනිටරේ ඔන් වෙන්නේ එයාට ඕනේ වෙලාවට. ඔන් උනත් පෙන්නන්නේ එයාට ඕනේ පාට. මොඩම් එකත් අංගොඩ යවන්න කාලේ හරි. මව් පුවරුව අල වුනාට පස්සේ චීන එකක් දාන්න උනේ මීට මාස දෙක තුනකට කලින්. දැන් ඒකත් මරුවට වැඩ. තව ටික දවසකින් ඒකෙත් කල දසාව හරි යාවි වගේ.ඒක නිසා මැෂිම අල්ලන්නත් එපා වෙලා.

ගෙදර හිටියෙත් නෑ. ගයන්ත ලොක්කගේ (අපෝ ඒ පාර කියයි බින්කුණ්ඩාවයි, චතුරවයි අමතක කරලා කියලා. ඔන්න ඒ දෙන්නාවත් ටැග් කලා.)ගෙවල් පැත්තේ ටික දවසක් ගිහින් හිටියා. ඒ පැත්තේ වාරණ කියල පන්සලක් තියනවා. අපිට ඉතින් කරන්න දෙයක් නැති නිසා හවස් යාමේ පන්සලේ ගල මුදුනට නැගල වට පිට බල ඉඳල කරුවල වැටෙන ජාමෙට පල්ලම් බැස්සා. පල්ලමේනේ වැඩ කෑලි තියෙන්නේ!!

මේ වාරණ පන්සල පිරිවෙනක්. ඉතින් අපි පල්ලම් බහින වෙලාවේ පොඩි හාමුදුරුවරු පාඩම් කරනවා. පාඩම් කිව්වේ ඉතින් අපි පාඩම් කරපු විදියම තමා. පොත උඩ පෝං එක යට.එක හාමුදුරු නමක් හොදට පොල් ගහකට හේත්තුවෙලා මල් කඩනවා (ඇත්තටම මලක්ද නම් දන්නේ නෑ. හැබැයි හිටපු ඉරියව්වෙන් නම් හිතුවේ මලක් කියල )තව එක්කෙනෙක් වෙල් නියරේ ඉඳගෙන වීඩියෝ කෝල් එකක. බලන් ගියාම මේ අපි වගේ ගිහි කෙල්ලො කොල්ලොයි හාමුදුරුවරුයි අතර කිසි වෙනසක් නෑනේ. හොදම සීන් එක තමා පොඩි හාමුදුරුවරු පන්සිල් දුන්න විදිය. හාමුදුරුවරු පස් දෙනෙක් විතර පන්සිල් දෙනවා. එතැනින් තුන් දෙනෙක් ගාථා කියනවා දෙන්නෙක් මරාගන්න හදනවා. ඒක දැක්කම නම් හිතට ඇති වුනේ පොඩි දුකක්. මොකද මහණ වුනා කියලා ළමා මානසිකත්වය මරලා දාන්න බැරි නිසා.

ඊට පස්සෙ ඉරිදා දවසේ නැන්දාත් එක්ක යක්කල පොළට ගියා. පොළට ගිහින් කරපු වැඩේ මූණු පොතේ යාළුවෝ නම් දකින්න ඇතිනේ..හික් හික්...මෙතන කියන්න නිකන් මොකක්ද වගේ..ආත්ම ගවුරවේ කියල එකකුත් තියෙන්න්න එපෑයැ.

ඒ ගමන එපාම කෙරෙව්වේ වැස්ස. අන්තිමට ගෙදර එනකොට හොදවැයින් හෙම්බිරිසාවක් හදාගෙන ආවේ.තාම කිඹුහුම් යනවා. චික් විතරක්

ඉතින් ගමේ ගිහින් එනකොට පුංචි අම්මා මල් පැළ වගයක් දුන්නා. ආච්චි එයාගේ කොටුවේ හැදුණ එළවලු වගයක් දුන්නා. ඉතින් ආසා හිතුනා වවන්න. ගෙදර ආපු ගමන් ඉඩ තියන තැන් බලලා පාත්ති දෙකක් හැදුවා.හෙට ගන්නෝරුව කෘෂිකර්මෙන් එළවලු ඇට ගේන්න යනවා.

දැන් deepsසුත් ගෙවිලියෙක්!

අස්වැන්න හැදුනාම කියන්නම්කො.

ඔන්න ඔව්වා තමා අලුත් තොරතුරු. මගේ අන්ලිමිටඩ් ජාල සම්බන්ධය ගැන පිය පාර්ශවය විරුද්ධත්වය ප්‍රකාශ කරලා. ඒක නිසා මීට පස්සේ නෝ ජාල ජංජාල වේයිද මන්දා.ගෙදර ජාලේ නැති උනත් කැම්පස් ජාලෙන් හරි අනිවා එනවා.

එතකන් සී යූ..