Sunday, December 9, 2012

ඔබගේ රැකියාව සම්බන්ධයෙන් ඔබ කර ඇති ලොකුම වරද මෙය විය හැකියි

ලොවෙන් එකෙක් එක් දෙයකට වෙයි සමත කියා කියමනක් තිබුණත් එය සැම විටම සත්‍ය වන්නේ නැහැ. අප අතර සිටින සමහරුන් එකිනෙකට වෙනස් දේවල් වලටත් දක්ෂයි. උදාහරණයක් විදියට සමහර ඉංජිනේරුවන් ගීත ගායනයේ දක්ෂයින්, සමහර රියදුරන් චිත්‍ර ඇඳීමේ දක්ෂයින්. තවත් සමහරුන්ගේ වෘත්තීය එක් දෙයක් වුවත් ඔවුන් දක්ෂ තවත් දෙයකට. තවත් අයට පවරන ඕනෙම රාජකාරියක් දක්ෂ ලෙස ඉටු කිරීමේ හැකියාවක් තිබෙනවා.



එක් දෙයකට පමණක් සීමා නොවී විවිධාකාර හැකියාවන් තිබීම සහ ඕනෑම දෙයක් ඉක්මනින් ඉගෙන ගෙන අදාළ කාර්යයේ හොදින් නිරත වීමට ඇති හැකියාව නිසාම සමහරු තමන්ගේ නියම හැකියාව ප්‍රයෝජනට ගන්නේ නැහැ. තවත් සමහරුන් ඕනෙවටත් වඩා වැඩ කරනවා.

උදාහරණයක් ලෙස අපි ගනිමු වෙබ් අඩවි නිර්මාණ කරුවෙක්. ඔහු ආයතනයේ වැඩට බඳවා ගන්නේ වෙබ් අඩවි නිර්මාණය කරන්නට පමණක් වුනත් කාලයක් යද්දී ඔහුගේ දක්ෂතාවය නිසා ආයතනයේ සමාජ ජාල අලෙවි කරුවා ලෙසත් වැඩ කිරීමට පටන් ගනීවි. ඔහු වෙබ් අඩවි නිර්මාණය සහ සමාජ ජාල තුල ආයතනය ප්‍රචලිත කිරීම යන කාර්යයන් දෙකම ඉටු කලත් බොහෝ විට ඔහුට ලැබෙන්නේ වෙබ් අඩවි නිර්මාණකරුගේ පඩිය පමණක් වෙන්නට පුළුවන්. වෙනත් වචන වලින් කියනවා නම් ඔහු "ඕනෙවට වැඩ වැඩ කරන කෙනෙක්" තවත් සමහරුන්ට ඔහු "එක වැඩක්වත් හරියට නොකරන කෙනෙක්" වෙන්නත් පුළුවන්.

මේ සිද්ධිය බොහොම පහසුවෙන් පියවර හතරකින් දක්වන්න පුළුවන්.


  1. වැඩ කරන්න පුළුවන් කෙනා තමන්ට පැවරෙන සියලු කාර්යයන් නිවැරදිව  ඉටු  කිරීමට වෙහෙසෙනවා. නොදන්නා දේවල් අලුතින් ඉගෙන ගෙන හෝ තම කාර්යය නිමා කිරීම ඔවුන්ගේ සිරිතයි.
  2. මෙය දකින අනෙක් ඇය සිතන්නේ ඔහු/ඇය දක්ෂයෙක් බවයි. දක්ෂයෙක් වීම නිසා ආයතනයේ බොහෝ කටයුතු ඔහු/ඇය ලවා කරවා ගැනීමට ආයතන ප්‍රධානීන් කටයුතු කරනවා.
  3. ටික කලක් ගත වන විට ආයතනයට නැතිවම බැරි පුද්ගලයෙක් බවට ඔහු/ඇය පත් වෙනවා. තම රාජකාරිය සම්බන්ධයෙන් ගැටළුවක් ඇති වුවත් අනෙක් අය බොහෝ විට උපදෙස් පතන්නේ ඔහුගෙන්/ඇයගෙන්.
  4. කාලයක් යද්දී එකිනෙකට වෙනස් ව්‍යාපෘති ගණනාවක ඔහු/ඇය වැඩ කරන්නට පටන් ගනිවී. නමුත් ඔහුගේ සැබෑ දක්ෂතාවය, එහෙම නැත්තම් ඔහුට වඩාත්ම හොඳින් කරන්න පුළුවන් දෙය මේ ව්‍යාපෘති අතර නොතිබෙන්නටත් ඉඩ තිබෙනවා. එවිට දක්ෂයා ඔහුගේ රැකියාව ගැන සතුටු වෙන්නේ නැහැ. ආයතනය ඔහුගෙන් නියම ප්‍රයෝජනය ගන්නේ නැහැ. සරලව කියනවා නම් ආයතනය සහ සේවකයා යන දෙදෙනාම අසතුටින්.
සේවකයා විශාල රාජකාරියක් ආයතනය වෙනුවෙන් ඉටු කලත් ඔහුට රැකියාවේ ඉහළට යන්නට අමාරුයි. ටෙන්ට් එකක් හදද්දී වැඩි උසක්‌ ඇති රිටක් භාවිතා කලොත් අපිට පුළුවන් වඩාත් උස සහ ඉඩ තියෙන ටෙන්ට් එකක් නිර්මාණය කරන්න. එකම උස ඇති මිටි රිටවල් 10 ක් 20 ක් පාවිච්චි කලත් ටෙන්ට් එක තුල ඇති ඉඩ වැඩි වෙන්නේ නැහැ. 

අපි ළඟ තියෙන හැකියාවන්ගෙන් අපගේ රැකියාවට සහ අපගේ ජීවිතයට වැඩිම බලපෑමක් කිරීමට හැකිදෙය සොයාගෙන ඒ ඔස්සේ ඉදිරියට යෑම තුලින් ඉක්මනින් රැකියාවේ ඉහළට යාමට අපට හැකියාව තිබෙනවා. උස රිටක් භාවිතා කරලා වඩාත් ඉඩ කඩ තියන ටෙන්ට් එකක් හදාගන්නවා වගේ, අපිට හොඳින්ම, ආසාවෙන්ම සහ ආයතනයට වඩාත්ම වැදගත් දෙය කිරීම තුලින් ඉක්මනින් ඉදිරියට යන්න අපිට පුළුවන්.

අපගේ පහසුව සඳහා අපි ඒ දෙය හඳුන්වමු  අපගේ  "ප්‍රබලම දායකත්ව ලක්ෂ්‍යය" [highest point of contribution]ලෙස. අපගේ ප්‍රබලම දායකත්වය රාජකාරියට ලබා දීමෙන් රැකියාව සහ ආයතනය තුලින් ඉතා පහසුවෙන් ඉදිරියට යෑමට හැකි වෙනවා වගේම සේවකයෙක් වශයෙන් සතුටට පත්වීමටත් අපිට පුළුවන්.

ඉතින් කොහොමද අපේ ප්‍රබලම දායකත්ව ලක්ෂ්‍යය සොයා ගන්නේ?

වෙන් රූප සටහනකින් මෙය ඉතා සරලව පෙන්වන්නට පුළුවන්. අපගේ දක්ෂතාවය,ආශාව සහ වෙළඳපොල ඉල්ලුම යන සාධක තුන අතර යම්කිසි පොදු දෙයක් තිබේ නම් එය අපගේ ප්‍රබලම දායකත්ව ලක්ෂ්‍යයයි. ඒ  ඔස්සේ ඉදිරියට යෑම තුලින් ඉතා පහසුවෙන් සාර්ථකත්වය කරා ලඟා වෙන්නට අපට පුලුවන්.

ප්‍රබලම දායකත්ව ලක්ෂ්‍යය ඔස්සේ ඉදිරියට යෑම තුලින් අපගේ දක්ෂතා සහ හැකියාවන් සීමිත වෙන බව කෙනෙකුට සිතෙන්නට පුළුවන්.  නමුත් මා සිතන්නේ මේ ගැන දැනගෙන සිටීම තුලින් අප අතින් වෙන විශාල වැරදි ප්‍රමාණයක් සහ සිත රිදවීම් ප්‍රමාණයක් අඩු කරගන්න හැකි බවයි.

උදාහරණක් ලෙස ආයතනයක විශාල වැඩ රාජකාරියක් ඉටු කලත් උසස් වීමක් හෝ පඩි වැඩිවීමක් නොමැතිව පසු තැවෙන සේවකයෙක් ගැන සිතමු. ඔහු මේ සංකල්පය ගැන දන සිටියා නම් ඔහු පසු තැවෙන්නේ නැහැ. එවිට ඔහු දන්නවා වැඩ වැඩියෙන් කිරීමට වඩා ප්‍රබලම දායකත්ව ලක්ෂ්‍යය ඔස්සේ ඉදිරියට යෑම වඩාත් ප්‍රථිපල දායක බව. ඒ නිසා  අලුත් රාජකාරියක් බාරගන්නා විට ඔහුට පුළුවන් එහි ප්‍රථිපල කලින්ම දැනගන්න.

රාජකාරිය ඔහුගේ  ප්‍රබලම දායකත්ව ලක්ෂ්‍යය හරහා යනවා නම් පඩි වැඩි වීම්, උසස් වීම් ලැබෙන්නට පුළුවන්. රාජකාරිය  ප්‍රබලම දායකත්ව ලක්ෂ්‍යය හරහා නොයන්නේ නම් ඔහු දන්න්නවා පඩි වැඩි වීම් ආදිය බලාපොරොත්තු විය නොහැකි බව. අවසානයේ සත්‍යය අවබෝධය කරගත් සේවකයෙක් බිහිවීම තුලින් සිත් රිදවීම්, පසු තැවීම් අඩු වෙන්න පුළුවන්.

ඔබගේ ප්‍රබලම දායකත්ව ලක්ෂ්‍යය ගැන සිතීමට දැන් කාලයයි. ඒ ගැන නොසිතීම ඔබගේ රැකියාව සම්බන්ධයෙන් ඔබ කර ඇති ලොකුම වරද විය හැකියි.

ප්‍රතිචාර හරහා තවත් කතා කරමු.

ලිපිය සඳහා අදහස් ලබා ගත්තේ :



26 comments:

  1. ඔව්.. මේකත් වැඩි දෙනෙක් හිතන්නෙ නැති දෙයක්. සමහරු හිතනවා හැම වැඩේම බදාගෙන කරන්න ගත්තාම ආයතන ප්‍රධානියාගේ හිත දිනාගන්න පුලුවන් වේවි කියලා. වැඩේ කරන කෙනාට තමන්ගේ වැඩේ මහමෙරක් තරම් ලොකු උනාට ආයතනයේ ප්‍රධානීන් බලාගෙන ඉන්නේ ප්‍රතිඵලය (outcome) එක දිහා විතරයි. වැඩ වැඩි උනාම අවුට්කම් එක බාල වෙන්න පුලුවන්.

    ReplyDelete
  2. patta true

    ReplyDelete
  3. තව ටිකක් පැහැදිලි කළානම් තමා හොද. විශේෂයෙන්ම ප්‍රාෙයා්ගික උදාහරණයක් එක්ක.

    මම සමකය වටේ ලියන නලීන්

    ReplyDelete
  4. private industry එකට ආවට පස්සේ මම ඉගෙන ගත්ත ලොකුම පාඩමක් මේක :)


    ඔයාලට නම් මට වඩා හොඳ හොඳ අත්දැකීම් ඇති මේ වගේ දේවල් ගැන

    ReplyDelete
  5. ගොනා විකුණන්න කාලෙ හරි.. :D

    ReplyDelete
  6. ආ නංගී මම නම් හිතන්නේ ඉංජිනේරුවෝ , ඉංජිනේරූකමට හැර අනිත් ඔනේම දේකට දක්ශයි කියලා....;)

    ලියලා තියෙන දේ ගැන නං කියන්න තියෙන්න ලංකාවේ තත්වයයි ඉන්ටර්නැශන්ල් තත්වයයි සම්පූර්ණයෙන් වෙනස් කිය්ලා තමයි...

    ලංකාවේදී බලන්නේ අඩු පඩියට හැම වැඩේම කර ගන්න පුලුවන් එකෙක්ව...ඉතින් ජැක් ඔෆ් ඕල් ට්‍රේඩ්ස් මාස්ටර් ඔෆ් නතින් පොරක්ව තමයි ලංකාවට හරි යන්නේ

    ඒත් ඉන්ටර්නැශන්ල් මාර්කට් එකේදී හොයන්නේ ප්‍රොෆෙශන්ල් කෙනෙක්ව..තමුන්ගේ වැඩේ ගැන පරතෙරටම දන්න එකෙක්ව....ඒ වෙලාවට තමයි ජොව් ස්පෙසලයිශෙශන් එක වටින්නේ

    ReplyDelete
  7. මට ඉන්ටර්නැෂනල් තත්වය ගැන නම් තාම හරියට අවබෝදයක් නැහැ.


    නමුත් ලංකාවේ තත්වය ගැන කියල තියන දේවල් නම් හරියටම හරි. සමහර ආයතන වලින් අඩුම ගානේ Job description එකක්වත් දෙන්නේ නැහැ. :D

    ReplyDelete
  8. Peter's Principle ගැන අසා තියෙනවාද?

    ReplyDelete
  9. කලින් දැනගෙන හිටියේ නැහැ. නමුත් දැන් දන්නවා. එකත් study කරලා බලන්න හොඳ තියරියක්. ස්තුතියි ඔත්තුවට

    ReplyDelete
  10. සුලක්ඛණDecember 9, 2012 at 4:54 PM

    මම හිතන්නේ ඩී කිව්ව කතාව ඇත්ත. ඒත් අපේ අය මේ දේවල් කවදා තේරුම් අරන් වැඩ කරයිද?

    ReplyDelete
  11. අපි හිතමු මේවා කියවලා වත් හැදේවි කියලා.

    ReplyDelete
  12. "ආ නංගී මම නම් හිතන්නේ ඉංජිනේරුවෝ , ඉංජිනේරූකමට හැර අනිත් ඔනේම දේකට දක්ශයි කියලා....;)"
    එහෙම කියන්නේ උඹ වගේ බුරුවො තමයි. ඉංජිනේරුවෝ ඉංජිනේරූකමට දක්ෂ නිසානේ ගොනෝ උන්ට ඉංජිනේරුවෝ කියන්නේ.

    ReplyDelete
  13. අපි නම් රජයේ සේවකයෝ නේ ඉතින්. ඒක නිසා ඔය තත්වේ අපිට අදාල නෑ. මේකෙදි ඉතින් වැඩි වැඩ බදාගන්නෙ නැතුව තමන්ගේ වැඩ ටික හරියට කරගෙන ඉන්න එක තමා කරන්නේ. කොහොම උනත් ඉතින් තමන්ට පැවරෙන වගකීම නිවැරදිව කරන 1 තමා මොන ආයතනයක උනත් වෙන්න ඕනේ... හැමදේම බදාගන්නෙ නැතුව, කැපිල පේන්න කියල.

    ReplyDelete
  14. හයියෝ අරුන... ඔයා ඉංජිනේරුවන්ට ගොනා , බූරුවා කියලත් බැනලනේ....;)

    ReplyDelete
  15. කවුරු මොනවා කිව්වත් ගොට්ටන්ට තමයි බොස්ගේ ඇල්ම..........!

    ReplyDelete
  16. ඒවාට ඉතිං කුමක් කරන්නද. බොස් ට මොලයක් තියනවා නම් ගොට්ටා කවුද වැඩකරු කවුද කියලා තේරුම් ගන්න පුළුවන්

    ReplyDelete
  17. හැමදේම බදාගන්නෙ නැතිව ඉන්න උත්සහ කලත්, ලොක්කාගේ බලපෑම මත එහෙම කරන්න වුනොත්?

    ReplyDelete
  18. සිරා කතාව. අත්දැකීමෙන් කියන්නේ :P

    ReplyDelete
  19. අපි හිතන්නෙ නැතුවම ඔය වැඩේ වෙනවා. හිතන්න, මම හොඳට ඉක්මනට වැඩ කරන කෙනෙක් නම්, බොස් මට තව තවත් වැඩ වගකීම් පවරනවා. ඒ පවරන්නේ ඒ ටිකත් මගේ අතින් හොඳට සිදුවෙන බවට ඔහුට තියෙන විශ්වාසය නිසා. ඒවා එපා කියන්න බැහැ. එපා කිව්වොත් ඒ වෙලාවෙම ප්‍රධානියා අමනාප වෙලා ආයතනයෙන් අස් වෙලා යන තැනට වැඩ සිද්ධ වෙන්නත් පුලුවන්. සමහර විට අලුත් වගකීම් පවරලා පඩියත් වැඩි කරාවි. නමුත් අලුතෙන් ආපු වර්ක්ලෝඩ් එක මට ඔරොත්තු දෙන්නෙ නැහැ. වෙන්නේ අර අලුත් වගකීම් විතරක් නෙමේ එතෙක් කල් කරගෙන ආපු පරණ වැඩ වලත් කොලිටි එක (වේගය, නිරවද්‍යතාවය) අඩුවෙන එක. එතකොට බොස් අමනාප වෙනවා. අපි වැටෙන්නේ තුන් හිතකින් වත් නොහිතපු අමාරුවක!


    කොහොම උනත් පුද්ගලික අංශයේ වැඩ කරනකොට බොහොම පරිස්සම් වෙන්න ඕනේ. මොකද තමන්ගේ ආයතන ප්‍රධානීන්ට අවශ්‍ය වෙලාවක තමන්ව රස්සාවෙන් දොට්ට දාන්න පුලුවන් නිසා. ඕන්නම් මාසෙක නැත්තම් දෙකක පඩිය දීලා අයින් කරාවි. ඒ අතින් රාජ්‍ය අංශයේ රස්සාව සුරක්ෂිතයි. කාගෙවත් ඕනෙකමට රස්සාවෙන් ඉවත් කරන්න බැහැ. ඒකට පරීක්ෂණ මඩුල්ලක් ඉදිරියේ තියන විනය පරීක්ෂණයෙන් අසමත් වෙන්න ඕනෑ.

    ReplyDelete
  20. :) මම නම් තාම අත්දකිමින් පවතින්නේ :P

    ReplyDelete
  21. ඇත්ත කතාව!! ලොවෙන් එකෙක් එක් දෙයකට වෙයි සමත..කියන එක අද බොරු වෙලා තියෙන්නේ!

    ReplyDelete
  22. ඒක නිසා වෙන්න ඇති ගොඩක් අම්මලා තාත්තලා කැමති තමන්ගේ දරුවා ආණ්ඩුවේ රස්සාවක් කරනවා නම්.

    කලින් කියපු දේ නම් සම්පුර්ණ ඇත්ත. හැබැයි වැඩි වගකීම් පවරනවා නම් ඒ වැඩ නිමා කරන්න වැඩි කාලයක් අවශ්‍ය බව බොස් ට කියන්න පුළුවන් නේද? එහෙම කලින්ම බොස් ව දැනුවත් කරලා තිබ්බොත් එකම වේලාව ඇතුලත පරණ වැඩ සහ අලුත් වැඩ ඔක්කොම කරලා ඉවර කරන්න බෑ කියන එක බොස් දන්නා නිසා තමන්ට අවශ්‍ය කාලයක් අරගෙන වැඩ සියල්ල නිමා කරන්න පුළුවන්.


    හැබැයි වැඩේ වෙන්නේ බොස් ඒක තේරුම් නොගත්තොත්

    ReplyDelete
  23. I guess you too are a jack of all trades :)

    ReplyDelete
  24. [url=http://www.freewebs.com/order-endep-10-mg-uk/]buy amitriptyline online uk
    [/url]amitriptyline 50 mg tab
    buy endep online
    london purchase amitriptyline 50 mg
    order endep 75 mg Melbourne
    Sydney order amitriptyline 75 mg

    ReplyDelete