වැසිකිලිය සේදීමට ගොස් හාපික් double action කාරයෙක් බව සොයා ගතිමි

ඔන්න ආයෙත් වහින්න පටන් අරන්. වැස්ස විතරක් නම් කමක් නෑ, ඒ මදිවට හැම තැනම දිය සෙවෙල් බැදිල.ඔන්න දිය සෙවෙල් යවන්න පොඩි ක්‍රමයක් හොයාගත්ත අද වැසිකිලිය සුද්ද කරන්න ගිහින්.

වැසිකිලිය සුද්ද කරන්න අපේ ගෙදර පාවිච්චි කරන්නේ හාපික්.වැසිකිලිය හාපික් දාල සුද්ද කල කියමුකෝ, එත් ඉතින්, යාන්තන් බැදීගෙන දිය සෙවෙල් ටික තියනකන් සුද්ද කිරිල්ලෙන් වැඩක් නෑනෙ. ඔන්න ඉතින් අහල පහල කම්බි බුරුසුවක් වත් තියේද කියල බැලුවා දිය සෙවෙල් ටික හූරලා දාන්න. වෙලාවට තිබුනේ නෑ.

ඒ පාර වැසිකිලි පෝච්චිය සුද්ද කරන්න දාපු හාපික් එකෙන්ම ටිකක් දිය සෙවෙල් උඩට දාල විනාඩි දෙක තුනක් තිබ්බා.(අපේ ශාකුන්තල ලොක්කා යකඩ අලවන්න තියන්න ගම් එකකින් ප්ලාස්ටික් ඇලෙව්ව වගේ වෙයිද කියලා හිතුනෙ නැතුවමත් නෙවෙයි.)

මෙන්න බොලේ යංතන් පොඩ්ඩක් ඇතිල්ලුවා විතරයි දිය සෙවෙල් කොහෙන් ගියාද නෑ.

ඔන්න ඔයාලටත් දිය සෙවෙල් මහ වදයක් නම් ඔය වැඩේ කරල බලන්න ටක්කෙටම වැඩ!